Utgåve 01 mars/2026, skrevet for Alarmsentralen IKS av Inger Elise Grotle

Dagleg leiar Terje Brandsøy har ordet

30 april 2026 er min siste arbeidsdag etter 29 år ved Alarmsentralen IKS. Eg kom til sentralen i 1997 med brannfagleg kompetanse for å drifte sentralen som ein nødmeldingssentral for naudnummer 110. 

Dagens teneste: Tryggleiksalarmar / Velferdsteknologi og automatiske alarmar. 
Allereie i 1998 starta eg arbeidet med å få på plass ei tilleggsteneste for mottak og formidling av tryggleiksalarmar / velferdsteknologi. Målet var å skape ei trygg og god teneste med likt utstyr i alle våre eigarkommunar som kravde mindre ressursar. Så langt hadde kommunane hatt ulik type utstyr der alarmane blei ruta enten til Bergen eller inn på lokal sjukeheimar. Målet vårt var å samle kommunane under ei felles teneste. Først etter 14 år i 2014 kunne vi bestille blautkaka. Då fekk vi på plass vårt utstyr i den siste kommunen. 

Vegen vidare: Når eg no går av med pensjon har styret ved sentralen valt å endre litt på kursen og krav til kompetanse på dagleg leiar. Det er ikkje lenger brann og 110 tenesta som har hovudfokus. No er det Tryggleiksalarmar og Velferdsteknologi som skal være sentralen sin hovudsatsing. 

Difor har sentralen no tilsett Beate Kalland som ny dagleg leiar. Beate er utdanna sjukepleiar med master i Helseinformatikk.  Har du spørsmål eller ønsker kontakt, kan ho nåast på: E-post: beate.kalland@alarmsentralen.com

Beate vil i tillegg ha med seg i administrasjonen på dagtid Inger Elise Grotle som har hatt hovudansvaret for tenesta med tryggleiksalarmar/ Velferdsteknologi sia 2017, og vår teknisk ansvarlege Roy Humlestøl som vil få ansvaret for tenesta som omhandlar Brann og andre automatiske alarmar knytt opp mot sentralen for våre eigarar og private kundar. 

Til slutt: Vi brukte 14 år på å samle denne tenesta for kommunane under ein felles paraply med likt utstyr og lik kompetanse. Ta vare på det vi saman har bygga opp. 
Lykke til vidare! Takk for meg 😊

Fagdag for Leiar, tildeling og utøvande teneste 28 april

28 april arrangerer NetNordic care sin årlege fagdag i henhold til Rammeavtale velferdsteknologi. Den blir på Grand hotel Skei. Invitasjon er send ut til administrativ og teknisk hovudkontaktperson i di kommune. Både vi på Alarmsentralen og NetNordic care håpar å sjå representantar frå alle våre 16 eigarkommunar på Skei denne dagen.

Fagdag for kommunedirektørar og kommunalsjefar 29 april

29 april arrangerer Alarmsentralen IKS Fagdag for kommunedirektørar og kommunalsjefar på Grand hotel Skei. Vilje helseklynge og NetNordic care er med som medarrangør. Tema på denne fagdagen er Leiing i krysspress – Korleis lykkast med digital transformasjon i helse og omsorg? Og Verktøy og metodar – Kva skal til for å skalere og måle digitale helsetenester?