Somnofy er ein kontaktlaus og kontinuerleg søvnmonitor utvikla av VitalThings som gir betre innsikt i korleis ein person har det om natta. Den måler blant anna pustefrekvens, søvnfaser (lett, djup og REM), rørsler, og miljøfaktorar som lyd, lys og luftkvalitet, utan at brukaren treng noko på kroppen eller blir forstyrra. Monitoren blir plassert på nattbordet eller montert på veggen og startar automatisk måling når personen går til sengs og stoppar når ho står opp. Ved å samle data over tid kan Somnofy kartleggje kva som er normal søvn for brukaren og oppdage avvik som kan vere teikn på endringar i helsetilstand. Det er eit verdifullt verktøy for helsepersonell og andre som ønskjer objektiv innsikt i søvn og nattaktivitet.

Her finner ein meir informasjon om Somnofy

Nattugla er ei digital tilsynsløysing med kamera som gjer det mogleg å følgje med på brukarar om natta utan fysisk tilsyn. Den varslar helsepersonell ved uventa hendingar og bidreg til auka tryggleik.

Meir informasjon om Nattugla finn du på her 

Digitalt tilsyn kan auke livskvaliteten til ein heimebuande tenestemottakar eller bebuar på institusjon. For tenesteytar kan digitalt tilsyn gjere arbeidsdagen enklare ved å raskt avklare situasjonar utan å måtte besøke tenestemottakaren fysisk. For heimebuande tenestemottakarar kan digitalt tilsyn, som videotilsyn, bidra til at dei kan bu heime lengre. Tryggleiken ved at helsepersonell kan sjå situasjonen i heimen utan å vere fysisk til stades, gjer at ein slepp å uroe seg for ikkje å bli godt ivareteken.

NetNordic sin løysing for videotilsyn, Enkelt Kameratilsyn, gjer elektronisk tilsyn enkelt og elegant. Tenestemottakaren slepp å bli vekka av fysiske besøk om natta. Responssenter nyttar ledig kapasitet om natta til å hjelpe heimesjukepleien med tilsyn utan å forstyrre tenestemottakaren. Kamerasensor blir montert hos tenestemottakaren der tenesta skal brukast. Responssenteroperatøren får påminning i applikasjonen når tilsynet skal utførast, og kan sjå live-bilete av tenestemottakaren for å sjå at alt står bra til. Ved alarm frå tenestemottakaren kan tenesteytar avklare situasjonen utan å vere til stades, og avgjere om det er behov for eit fysisk besøk.

Funksjonar:

• Planlagde tilsyn
• Alarm- og situasjonsbasert tilsyn

Kompatibel med:

• Tryggleiksalarm Careline IP 4G Smarthub
• Lifeline Digital
• Pasientvarslingssystemet NNO

Tunstall VAC kombinerer digitalt tilsyn med falldeteksjon ved hjelp av kunstig intelligens. Systemet nyttar fleire kamerasensorar for å analysere situasjonen i bustaden, og kan avgjere om tenestemottakaren har falle og treng hjelp.

Sensoren krev 230V uttak og trådløs kommunikasjon. Konfigurasjon skjer i eit brukervennleg webgrensesnitt. Systemet kan også samle aktivitetsdata, som bruk av seng, sofa eller toalett.

Funksjonar og fordelar:

• Falldeteksjon i justerbare soner
• Aktivitetsalarmar (t.d. "ute av senga", "toalett", "ut av ei dør")
• Infrarødt kamera som ser i mørket utan å forstyrre brukaren
• Brukervennleg webgrensesnitt for oppsett og endringar
• God oversikt over aktivitetsnivå
• Måling av opphald i utvalde soner
• Detaljerte rapportar

Tunstall VAC gjev brukaren tryggleik for at fall blir oppdaga og at personalet kan hjelpe raskt. Dette sparar tid og pengar for kommunen og gjev personalet betre moglegheiter til å føresjå hendingar gjennom å følgje med på aktivitetsnivået til brukaren.